Publicat en « La Setmana » n°713 (7 au 13/05/09)

Lo rencontre entre lo primièr ministre espanhòl e lo president de la Republica francesa a desembocat sus qualques decisions pertocant los transpòrts mas a fait, ça que la, qualques decebuts. Ligne Pau Canfranc Es lo cas dels que  defendon la reabertura de la linha transpirenenca entre Bordèu e Saragossa que passa per Pau e Huesca. (…)

Los aragoneses son decebuts e las discussions dins la premsa aragonesa son estadas pro duras pel govèrn autonomic. Del costat aquitan i a pas agut tròp de comentaris mas es vertat que la posicion dels dos Estats pausa problèma. Daissan pas a las doas regions de l’un e l’autre costat del Pirinèus la possibilitat de reglar solas aquela question. (…)

Dins lo domeni dels transpòrts tanben, e per anar dins un sens que permet de limitar lo nombre de camions que se passejan sus las rotas, que travèrsan los Pirinèus e que se tròban puèi sus las rotas de totas las regions occitanas, se decidiguèt de dubrir (en fin !) çò qu’apèlan las autorotas de la mar. Doas linhas seràn dubèrtas entre Gijòn e Nantas e una autra entre Algesiras Vigo e Le Havre. Segon çò qu’es previst aquò deuriá permetre de tirar cent mila camions de las rotas cada an.

Mots-clés : , , , ,
Répondre

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>