Publicat dins « La Setmana » n°748 deu 14/01 au 20/01/10
Los retards dins la concepcion de l’avion de transpòrt militar d’Airbus serián estats pro importants per butar los responsables de l’avionaire europèu a renunciar a aquel projècte.
Segon lo raconte que ne fa l’edicion alemandad del Financial Times, es lo quite president d’Airbus, Thomas Enders, qu’auriá suggerit de getar l’esponja. Del moment del repais de Nadal de la direccion del grop, auriá declarat que « cresía pus a la seguida del programa ».
Seriá ja establida una lista d’engenhaires afectats a l’A400M que serián tornats afectar dins d’autres programas del grop coma l’A380 o l’A350.
Lo programa de l’avion militar pertòca d’unes 180 aparelhs per un budget inicial de 20 miliards d’euros. Los còstes de fabricacion de l’A400M serián mai nauts que çò previst per Airbus, qu’en consequéncia a demandat als crompaires d’i metre mai de moneda. Airbus e EADS aurián essajat de badas de negociar amb los sèt païses clients.

Ce bulletin a été publié le Lundi 18 janvier 2010 18:57 et est classé dans Déplacements, En òc, Europe, Innovation, Méditerranée, Sûreté, Transports Vous pouvez suivre les réponses à ce bulletin avec le fil RSS 2.0. Vous pouvez répondre, ou faire un rétro-lien depuis votre site.