Archives pour la catégorie “En òc”

Articles en occitan

Publicat dins « La Setmana » n°748 deu 14/01 au 20/01/10
Los retards dins la concepcion de l’avion de transpòrt militar d’Airbus serián estats pro importants per butar los responsables de l’avionaire europèu a renunciar a aquel projècte.
Segon lo raconte que ne fa l’edicion alemandad del Financial Times, es lo quite president d’Airbus, Thomas Enders, qu’auriá suggerit de getar l’esponja. Del moment del repais de Nadal de la direccion del grop, auriá declarat que « cresía pus a la seguida del programa ».
Seriá ja establida una lista d’engenhaires afectats a l’A400M que serián tornats afectar dins d’autres programas del grop coma l’A380 o l’A350.
Lo programa de l’avion militar pertòca d’unes 180 aparelhs per un budget inicial de 20 miliards d’euros. Los còstes de fabricacion de l’A400M serián mai nauts que çò previst per Airbus, qu’en consequéncia a demandat als crompaires d’i metre mai de moneda. Airbus e EADS aurián essajat de badas de negociar amb los sèt païses clients.

Comments Un commentaire »

Article de David Grosclaude, Cap Redactor de « La Setmana » n°732 deu 24 au 30/09/09

Lo ministre de l’ecologia a presentat son plan per melhorar lo transpòrt de merça pels trins. França a pres fòrça retard.

Mentre qu’anóncian que la SNCF perdrà encara ongan 600 milions sul transpòrt de merças, lo ministre de l’ecologia ditz que l’Estat investirà 7 miliards en dètz ans per melhorar las infraestructuras ferroviàrias que permetràn de transportar mai de merças pel tren. S’agís de temptar de redusir l’invasion pels camions.

La reduccion de las emissions de CO2 passa per aquela revolucion. Mas lo problèma es ara l’incapacitat de la SNCF a rendre un servici atal mentre que dins d’autres païses d’Euròpa aquò fonciona e rapòrta.

Fa ja de temps que Soïssa e Austria cargan de camions suls trens per limitar lo nombre de camions sus las rotas e autorotas.Autorota ferroviari Lux / Cat

Per contrar l’autorota-bitumi i a l’autorota ferroviària que los alemands apèlan « rola ». lo concèpte es simple. S’agís de metre de camions suls trins quand devon far de grandas distàncias. Actualament circulan de Perpinhan a Luxemborg dos trens per jorn ! Quasi res. Las infraestructuras devon èstre adaptadas. Las ambicions son pasmens limitadas. lo ministèri anóncia coma objectiu dètz trens per jorn en 2015.

Per aquò far calrà metre 1,6 miliards sus la linha entre Perpinhan e Luxemborg que passa per Montepelhièr. Cal crear la desviacion de Montpelhièr e Nimes. Es dins los projèctes prioritaris. Lire la suite »

Comments Pas de commentaire »

Publicat dins « La Setmana » n°730 deu 10/09 au 16/09/2009

los governs d’Aragon e la Junta d’Andalosia an signat un acòrd per promòure la mesa en plaça d’un malhum ferroviari. Que permetrà de passar los  Pirenèus e de ligar de faiçon eficaça totas las regions del sud-oèst europèu. Aquel acòrd a per objectiu de metre en plaça estudis per estudiar la mai bona faiçon de ligar la region portuguesa d’Alentejo, las comunitats de Valéncia, Extremadura, Andalosia, Aragon, Castilha la Mancha, Miègjorn-Pirinèus, Aquitània e Lemosin.

projecte-sud-oeste-europeu-ferroviariPer far aqueles estudis lo FEDER a deblocat mai de tres milions d’euros. I a pas cap de dobte qu’aquela iniciativa pertòca lo desvolopament del projècte d’una linha transpirenenca novèla pels Pirinèus centrals que los aragoneses ne vòlon a tota fòrça.

Comments Pas de commentaire »

Publicat en « La Setmana » n°713 (7 au 13/05/09)

Lo rencontre entre lo primièr ministre espanhòl e lo president de la Republica francesa a desembocat sus qualques decisions pertocant los transpòrts mas a fait, ça que la, qualques decebuts. Ligne Pau Canfranc Es lo cas dels que  defendon la reabertura de la linha transpirenenca entre Bordèu e Saragossa que passa per Pau e Huesca. (…)

Lire la suite »

Mots-clés : , , , ,

Comments Pas de commentaire »

Hervé GUERRERA
Conselhier comunau de Ais de Provença – Conselhier Comunautari

Publicat en « La Setmana » n°709 deu 09/04 au 15/04/09

(…) Se coneissètz l’istòria de nòstra region saupretz qu’avèm un problèma per trobar una capitala regionala. Cresi que l’aurem jamai se pensam pas un ròtle de centralitat per Marselha e de cooperacions vertadieras ambé lei país sestian, aubanhenc, de mar de Berra…
Coma faire espelir una region poderosa en oblidant Marselha? Laissar Tolon de caire pausa tanben problèmas e questions. Nautrei siam per lo trin au bèu mitan dei vilas. Siam per de grandei linhas en ret ambé lo trin regionau. Disèm de òc a un servici public au servici de la vida vidanta deis estatjants e dau mai de monde possible.
Au còntra, i a la realitat de la LGV que refortís la teleranha centralista e estatala dau sègle dètz-e-noven, au còntra i a d’esperits tecnocratics au servici d’una pratica argentosa, que tiran de regas sus de mapas, sensa veire la realitat dau país, sensa escotar la paraula dei gents, en renegant lo debat democratica, e au finau, en fòrabandissent aquelei que son poder de cròmpa li basta plus per viure aquí.

Lire la suite »

Mots-clés : ,

Comments Pas de commentaire »